Patrimonio cultural de Redondela

Esta ponte ferroviaria está sobre o río das Preiras, na divisoria entre as parroquias de Negros e Saxamonde. Consta de 10 arcos e unha lonxitude duns 150 m. entrou en funcionamento en 1967. Forma parte dun novo trazado que houbo que construír como alternativa á antiga liña que discorría pola outra beira do val. Esa antiga vía proviña tamén de Redondela e atravesaba o gran viaduto que sobrevoa a vila e que fora inaugurado en 1881.  Este antigo viaduto deixou de empregarse en 1967 debido ao desnivel que existía no trazado con respecto ao túnel dos Valos, o que provocaba incidentes. A pendente recomendada era do 1%, e este trazado tiña pendentes de ata o 1,7 %, case o dobre. Para salvar este desnivel, construíuse un trazado alternativo paralelo ao río Maceiras polas parroquias de Cedeira e Negros, o que trouxo consigo, tamén, a construción deste novo viaduto na parroquia de Saxamonde con 10 arcadas e 150 metros de lonxitude, antes da entrada no túnel. Este novo trazado foi tamén a ori...

Este é o primeiro punto de encontro coa vista do val do río Maceiras, en Redondela. Ao fondo divisamos o mar, que forma nese entrante a enseada de San Simón. Esta enseada forma parte da gran ría de Vigo, que vai desde o seu nacemento en Arcade ata as illas Cíes.  Á dereita da enseada vense as casas de Cesantes, remontando o monte do Outeiro das Penas. Un pouco máis á dereita de onde rematan as últimas casas continuará discorrendo o noso Camiño cara a Santiago. Ao pasar ao outro lado desa pequena montaña que chega ata o mar, remata o concello de Redondela. Polo tanto, desde este lugar en que estamos, podemos ver case todo o que vai ser o noso percorrido ao longo do municipio de Redondela. Diante de nós, ao fondo do val, está a vila de Redondela. Destaca a ponte ferroviaria, xa en desuso, que antigamente levaba a Ourense. Debaixo desa ponte do tren conflúen o río Maceiras, que forma todo este val, e o río Alvedosa, que atravesa a vila. Á nosa esquerda vemos o monte Mirallo-Penide , n...

  Localización ( Ver en Google Maps ) Esta inmensa mámoa está situada no lugar denominado O Cotarelo ou O Coturro, entre os campos de fútbol de Guizán (Mos) e Vilar (Redondela). Moi preto tamén hai unha propiedade con vivenda e está próxima á estrada que atravesa a parroquia de Vilar desde o alto dos Valos. As palabras Cotarelo e Coturro derivan da voz "coto", que significa ‘parte máis alta dunha elevación con forma cónica’. A palabra "anta", tamén presente na denominación desta mámoa, significa 'pedra grande chantada no chan', e fai referencia ás lousas que forman o dolmen , a cámara funeraria de pedra, que existía no interior da mámoa. Esta mámoa forma un conxunto de catro exemplares xunto coa  mámoa de Chan das Pipas , a  mámoa dos Valos 1  e a  mámoa dos Valos 2 . Se existiron máis nesta chaira, tanto a construción dos campos de fútbol como das naves industriais se encargaron de arrasalas e facelas desaparecer. Descrición Ese túmulo é un dos máis grande...

Localización ( Ver en Google Maps ) Esta capela está situada na parroquia de Louredo, concello de Mos, na estrema coa parroquia de Guizán. Ao seu carón conflúen dúas vías de comunicación: a  estrada Peinador-Os Valos e  o Camiño Portugués de Santiago.  A súa advocación ao apóstolo deixa clara a vinculación que mantén con este itinerario milenario. A capela está rodeada por un grande adro con numerosas árbores e área de lecer con mesas e asadores. Neste lugar  celébrase cada ano a festa do santo apóstolo, o día 25 de xullo, que  coincide coa data máis importante que temos en Galicia: o 25 de xullo, día do apóstolo Santiago, no que se conmemora o Día de Galicia.  Descrición A capela actual é froito dunha reforma realizada pola comunidade de montes en 2003, tal como figura nunha inscrición existente na parte esquerda da fachada. Ten planta rectangular e está construída en perpiaño de granito.  Está cuberta por un tellado a dúas augas. Fachada  Presen...

Localización ( Ver en Google Maps ) Este miliario romano está situado á beira do Camiño de Santiago e serve de marco divisorio entre as parroquias de Vilar de Infesta (Redondela) e Guizán e Lourido (Mos). As escavacións arqueolóxicas demostraron que se atopa emprazado no propio lugar orixinal, o que verifica -xunto con outros miliarios encontrados neste itinerario e que están depositados en museos- que o Camiño de Santiago actual discorre sobre a vía romana XIX. Esta vía romana, construída ao redor do século II da nosa era, unía as cidades de Braga (Portugal) con Astorga (León), posiblemente na época do emperador Hadriano (de acordo co nome do emperador que aparece na inscrición do miliario que se atopou a continuación deste, en Saxamonde). Miliarios Vía romana XIX Os miliarios son marcas viarias colocadas á beira das vías romanas, semellantes aos postes quilométricos das estradas da actualidade. O seu nome deriva da expresión latina "MILIA PASSUUM" 'mil pasos'; son a...